Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » គួរឲ្យអាសូរ ! ជាងផ្សារដែកម្នាក់ ឆ្លងចរន្តអគ្គិសនីឆក់ធ្លាក់ពីលើដំបូលសំយាបផ្ទះបណ្ដាលឲ្យស្លាប់ភ្លាមៗ
    Uncategorized

    គួរឲ្យអាសូរ ! ជាងផ្សារដែកម្នាក់ ឆ្លងចរន្តអគ្គិសនីឆក់ធ្លាក់ពីលើដំបូលសំយាបផ្ទះបណ្ដាលឲ្យស្លាប់ភ្លាមៗ

    August 18, 202516 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    កណ្ដាល៖ ជាងផ្សារដែកម្នាក់បានបាត់បង់ជីវិតយ៉ាងសោកសៅ បន្ទាប់ពីត្រូវចរន្តអគ្គិសនីឆក់ រួចធ្លាក់ពីលើសំយាបផ្ទះ ខណៈពេលកំពុងធ្វើការ។ ហេតុការណ៍ដ៏រន្ធត់នេះបានកើតឡើងនៅថ្ងៃទី១៨ សីហា ២០២៥ វេលាម៉ោង ៨:២០នាទីព្រឹក នៅភូមិព្រែកត្រែង២ ឃុំសំរោងធំ ស្រុកកៀនស្វាយ។

    លោកវរសេនីយ៍ឯក ព្រុំ សំណាង អធិការនគរបាលស្រុកកៀនស្វាយបានឲ្យដឹងថា ជនរងគ្រោះមានឈ្មោះ ម៉ាណ ប្រាហ៊ីម (ប្រុស, ៣៦ឆ្នាំ) មុខរបរជាងផ្សារដែក។ ជនរងគ្រោះបានទៅទទួលម៉ៅការតសំយាបផ្ទះឲ្យម្ចាស់ផ្ទះឈ្មោះ ឈុន ណារី (ស្រី, ៤៥ឆ្នាំ)។ នៅមុនពេលកើតហេតុ ជនរងគ្រោះកំពុងផ្សារដែកនៅលើសំយាបផ្ទះ ហើយមានអ្នកជួយហុចដែកទីបជ្រុងមួយដើមប្រវែង ៦ម៉ែត្រ។

    លោកអធិការបានបន្តថា ខណៈពេលជនរងគ្រោះចាប់ទាញដែកនោះឡើងទៅលើ គាត់មិនបានចាប់អារម្មណ៍ថាចុងដែកបានប៉ះនឹងខ្សែភ្លើង គ្មានសម្បក (ស្រាត) ដែលរត់នៅខាងលើដំបូលនោះទេ។ ការប៉ះពាល់នេះបណ្ដាលឲ្យឆ្លងចរន្តអគ្គិសនីឆក់ជនរងគ្រោះស្លាប់ភ្លាមៗតែម្ដង។ តាមការពិនិត្យរបស់កោសល្យវិច័យ និងក្រុមគ្រូពេទ្យ សពជនរងគ្រោះមានស្នាមឆេះខ្លោចនៅជុំវិញកដៃទាំងពីរ និងនៅលើបាតដៃ។ ក្រៅពីនោះ មិនមានស្លាកស្នាមអ្វីគួរឲ្យកត់សម្គាល់ទេ។

    ក្រោយពេលកើតហេតុ កម្លាំងនគរបាលប៉ុស្តិ៍រដ្ឋបាលសំរោងធំ បានសហការជាមួយអាជ្ញាធរឃុំ ក្រុមគ្រូពេទ្យ និងកម្លាំងជំនាញកោសល្យវិច័យ ចុះទៅពិនិត្យសាកសព និងកន្លែងកើតហេតុ។ តាមការសន្និដ្ឋានបឋម ជនរងគ្រោះពិតជាស្លាប់ដោយសារឆ្លងចរន្តអគ្គិសនីឆក់ពិតប្រាកដមែន។ បច្ចុប្បន្ន សាកសពជនរងគ្រោះត្រូវបានប្រគល់ជូនក្រុមគ្រួសារដើម្បីរៀបចំធ្វើបុណ្យតាមប្រពៃណី។

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.