Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » បញ្ចប់ទុក្ខលំបាករដូវវស្សា ពលរដ្ឋឃុំដើមឬសត្រេកអរទទួលបានផ្លូវបេតុងថ្មី១ខ្សែប្រវែង ១៥០០ម៉ែត្រ
    សន្តិសុខសង្គម

    បញ្ចប់ទុក្ខលំបាករដូវវស្សា ពលរដ្ឋឃុំដើមឬសត្រេកអរទទួលបានផ្លូវបេតុងថ្មី១ខ្សែប្រវែង ១៥០០ម៉ែត្រ

    February 18, 202615 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    ប្រជាពលរដ្ឋរស់នៅក្នុងភូមិទែន និងភូមិដើមឬស ឃុំដើមឬស ស្រុកកណ្តាលស្ទឹង ខេត្តកណ្ដាល ទទួលបាននូវចំណងដៃថ្មីគឺផ្លូវក្រាលបេតុងចំនួន ១ខ្សែប្រវែង ១៥០០ម៉ែត្រ ដើម្បីសម្រួលដល់ការធ្វើដំណើរដែលធ្លាប់តែលំបាកខ្លាំងនារដូវវស្សា។ ពិធីបើកការដ្ឋានស្ថាបនាផ្លូវនេះបានធ្វើឡើងកាលពីព្រឹកថ្ងៃទី១៨ កុម្ភៈ ២០២៦ ក្រោមអធិបតីភាពឯកឧត្តមបណ្ឌិត សៅ ជីវ័ន្ត រដ្ឋលេខាធិការក្រសួងអភិវឌ្ឍន៍ជនបទ ជាតំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ។

    ឯកឧត្តមបណ្ឌិត សៅ ជីវ័ន្ត បានមានប្រសាសន៍ថា ការដ្ឋានស្ថាបនាផ្លូវក្រាលបេតុងនេះមានប្រវែង ១៥០០ម៉ែត្រ ទទឹង ៦ម៉ែត្រ កម្រាស់ ០,២ម៉ែត្រ និងមានស្ថាបនាលូមូលចំនួន ៣កន្លែងផងដែរ។ ការសាងសង់នេះគឺធ្វើឡើងតាមសំណូមពររបស់អាជ្ញាធរមូលដ្ឋាន និងប្រជាពលរដ្ឋដែលតែងតែជួបការលំបាកក្នុងការធ្វើដំណើរនាពេលកន្លងមក ជាពិសេសនៅរដូវវស្សាផ្លូវនេះមានជង្ហុក ដក់ទឹក ហុយ និងរអិល ដែលធ្វើឲ្យពិបាកដល់សិស្សានុសិស្សទៅសាលារៀន និងប្រជាពលរដ្ឋទូទៅក្នុងការប្រកបរបរប្រចាំថ្ងៃ។

    ឯកឧត្តមរដ្ឋលេខាធិការបានបញ្ជាក់ថា សមិទ្ធផលផ្លូវបេតុងដែលធន់នឹងការបម្រែបម្រួលអាកាសធាតុនេះ គឺពិតជាបានឆ្លើយតបទៅនឹងតម្រូវការជាក់ស្ដែងរបស់ប្រជាពលរដ្ឋនៅមូលដ្ឋាន។ ការអភិវឌ្ឍនេះក៏ស្របទៅនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ ក្រោមការដឹកនាំដ៏ឈ្លាសវៃរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបានកំណត់យកផ្លូវជាវិស័យអាទិភាពមួយក្នុងចំណោមវិស័យអាទិភាពទាំង៥ គឺមនុស្ស ផ្លូវ ទឹក ភ្លើង និងបច្ចេកវិទ្យា។

    ក្នុងឱកាសនោះដែរ ឯកឧត្តមបណ្ឌិត សៅ ជីវ័ន្ត បានណែនាំដល់កងវិស្វកម្មលេខ១៨០ស្ពានថ្នល់ ដែលទទួលការសាងសង់ផ្លូវបេតុងនេះ ត្រូវអនុវត្តឲ្យបានត្រឹមត្រូវតាមបទដ្ឋានបច្ចេកទេស ដើម្បីធានាថាផ្លូវនេះមានគុណភាព និងប្រើប្រាស់បានយូរអង្វែង។ ទន្ទឹមនឹងនេះ ឯកឧត្តមក៏បានសំណូមពរដល់ប្រជាពលរដ្ឋដែលរស់នៅសងខាងផ្លូវ សូមមានការយល់យោគ និងអធ្យាស្រ័យចំពោះការរំខាននានាក្នុងអំឡុងពេលសាងសង់ ហើយនៅពេលស្ថាបនារួចរាល់ សូមចូលរួមថែរក្សាផ្លូវនេះទាំងអស់គ្នាដោយកុំដឹកទំនិញលើសទម្ងន់ និងត្រូវគោរពច្បាប់ចរាចរណ៍ឲ្យបានខ្ជាប់ខ្ជួនផងដែរ៕

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.