Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » ដំណឹងល្អ! ធនាគារជាតិនៃកម្ពុជាលុបចោលកម្ចីយោធិនពលី ៨០លានរៀល យោធិនពិការ ១០លានរៀល ព្រមទាំងផ្តល់ការអនុគ្រោះពិសេសដល់ជនភៀសសឹក និងពលករ!
    ព័ត៌មានជាតិ

    ដំណឹងល្អ! ធនាគារជាតិនៃកម្ពុជាលុបចោលកម្ចីយោធិនពលី ៨០លានរៀល យោធិនពិការ ១០លានរៀល ព្រមទាំងផ្តល់ការអនុគ្រោះពិសេសដល់ជនភៀសសឹក និងពលករ!

    July 30, 202523 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    (ភ្នំពេញ): ឆ្លើយតបទៅនឹងការអំពាវនាវរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងដោយស្មារតីមនុស្សធម៌ខ្ពស់ ធនាគារជាតិនៃកម្ពុជា បានសម្រេចដាក់ចេញនូវវិធានការដ៏សំខាន់មួយ ដើម្បីរួមចំណែកសម្រាលបន្ទុកដល់បងប្អូនប្រជាពលរដ្ឋ ដែលរងផលប៉ះពាល់ពីជម្លោះព្រំដែនកម្ពុជា-ថៃ។ តាមរយៈសេចក្ដីណែនាំថ្មីនេះ គ្រឹះស្ថានធនាគារ និងហិរញ្ញវត្ថុទាំងអស់ ត្រូវតែលុបចោលកម្ចីដល់យោធិនពលី និងយោធិនពិការ ព្រមទាំងផ្ដល់ការអនុគ្រោះពិសេសផ្សេងៗទៀត។

    ធនាគារជាតិនៃកម្ពុជា បន្ទាប់ពីបានពិភាក្សាជាមួយសមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានដាក់ចេញនូវសេចក្ដីណែនាំលម្អិតដូចខាងក្រោម៖

    • សម្រាប់ជនភៀសសឹក៖ គ្រឹះស្ថានធនាគារ និងហិរញ្ញវត្ថុ ត្រូវលើកលែងរាល់កម្រៃ និងការផាកពិន័យពាក់ព័ន្ធនឹងឥណទាន ចាប់ពីថ្ងៃទី៣០ កក្កដា ២០២៥ រហូតដល់ថ្ងៃទី៣១ តុលា ២០២៥។ លើសពីនេះ ក៏ត្រូវលើកលែងការទូទាត់សងការប្រាក់ និងពន្យារពេលទូទាត់សងប្រាក់ដើម សម្រាប់រយៈពេលដូចគ្នាផងដែរ។ ចំណុចសំខាន់ គឺគ្រឹះស្ថានមិនត្រូវធ្វើមូលធនកម្មការប្រាក់លើប្រាក់ដើមនោះទេ។
    • សម្រាប់យោធិនជួរមុខ យោធិនពិការ និងយោធិនពលី៖
      • លើកលែងកម្រៃ និងការផាកពិន័យ: ត្រូវលើកលែងរាល់កម្រៃ និងការផាកពិន័យពាក់ព័ន្ធនឹងឥណទានរយៈពេល ៦ខែ គិតចាប់ពីថ្ងៃទី៣០ កក្កដា ២០២៥ រហូតដល់ថ្ងៃទី៣១ មករា ២០២៦ សម្រាប់អតិថិជនជាយោធិនដែលប្រតិបត្តិការដោយផ្ទាល់ក្នុងសមរភូមិប្រយុទ្ធ។
      • លើកលែងការប្រាក់ និងពន្យារប្រាក់ដើម: ត្រូវលើកលែងការទូទាត់សងការប្រាក់ និងពន្យារពេលទូទាត់សងប្រាក់ដើម រយៈពេល ៦ខែ (ពីថ្ងៃទី៣០ កក្កដា ២០២៥ ដល់ថ្ងៃទី៣១ មករា ២០២៦) សម្រាប់យោធិនដែលធ្វើប្រតិបត្តិការផ្ទាល់ក្នុងសមរភូមិប្រយុទ្ធ។ គ្រឹះស្ថានហិរញ្ញវត្ថុមិនត្រូវធ្វើមូលធនកម្មការប្រាក់លើប្រាក់ដើមឡើយ។
      • លុបចោលឥណទាន (សម្រាប់យោធិនពិការ និងពលី):
        • លុបចោលរហូតដល់ ១០លានរៀល: សម្រាប់ឥណទានរបស់អតិថិជនជាយោធិនពិការនៅសមរភូមិបច្ចុប្បន្ន។
        • លុបចោលរហូតដល់ ៨០លានរៀល: សម្រាប់ឥណទានរបស់អតិថិជន ឬអ្នករួមខ្ចីជាយោធិនពលី។
    • សម្រាប់ពលករត្រឡប់ពីប្រទេសថៃ និងយោធិនជួរមុខ: ធនាគារជាតិនៃកម្ពុជា ក៏បានលើកទឹកចិត្តឲ្យគ្រឹះស្ថានធនាគារ និងហិរញ្ញវត្ថុ ផ្តល់ការអនុគ្រោះពិសេសបន្ថែមទៀត តាមលទ្ធភាពជាក់ស្តែង ដល់ពលករដែលទើបត្រឡប់មកពីប្រទេសថៃ និងយោធិនដែលធ្វើប្រតិបត្តិការដោយផ្ទាល់ក្នុងសមរភូមិប្រយុទ្ធ។
    • ការរៀបចំឥណទានឡើងវិញ: គ្រឹះស្ថានធនាគារ និងហិរញ្ញវត្ថុ ត្រូវបន្តអនុវត្តការរៀបចំឥណទានឡើងវិញ ចំពោះអតិថិជនផ្សេងទៀត ស្របតាមបទប្បញ្ញត្តិជាធរមាន។

    ធនាគារជាតិនៃកម្ពុជា បានសង្កត់ធ្ងន់ និងជំរុញឲ្យគ្រឹះស្ថានធនាគារ និងហិរញ្ញវត្ថុទាំងអស់ ត្រូវចូលរួមអនុវត្តសេចក្ដីណែនាំនេះឲ្យមានប្រសិទ្ធភាពខ្ពស់បំផុត៕

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.