Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » បង្ក្រាបនៅមាត់ព្រែក! សមត្ថកិច្ចស្រុកកោះធំឃាត់ខ្លួនបុរសម្នាក់ខណៈកំពុងធ្វើសកម្មភាពលក់គ្រឿងញៀន
    សន្តិសុខសង្គម

    បង្ក្រាបនៅមាត់ព្រែក! សមត្ថកិច្ចស្រុកកោះធំឃាត់ខ្លួនបុរសម្នាក់ខណៈកំពុងធ្វើសកម្មភាពលក់គ្រឿងញៀន

    August 19, 2025650 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    កណ្ដាល៖ បុរសម្នាក់ត្រូវបានកម្លាំងនគរបាលស្រុកកោះធំឃាត់ខ្លួន ក្រោយធ្វើសកម្មភាពជួញដូរ រក្សាទុក និងប្រើប្រាស់គ្រឿងញៀនយ៉ាងសកម្មនៅមាត់ព្រែកឌុយ។ សមត្ថកិច្ចបានរឹបអូសបានម្សៅក្រាមសង្ស័យជាគ្រឿងញៀនជិត ៨ក្រាម។ ហេតុការណ៍នេះបានកើតឡើងនៅថ្ងៃទី១៨ សីហា ២០២៥ វេលាម៉ោង ១៥:៥០នាទី នៅលើផ្លូវលំមាត់ព្រែកឌុយ ស្ថិតក្នុងភូមិព្រែកម្រេញ ឃុំពោធិបាន ស្រុកកោះធំ។

    យោងតាមរបាយការណ៍របស់សមត្ថកិច្ចបានឲ្យដឹងថា ក្រោយពីទទួលបានព័ត៌មានពីប្រជាពលរដ្ឋល្អថាមានមុខសញ្ញាកំពុងធ្វើសកម្មភាពលក់និងចែកចាយគ្រឿងញៀន កម្លាំងនគរបាលផ្នែកប្រឆាំងគ្រឿងញៀនស្រុកកោះធំ សហការជាមួយកម្លាំងប៉ុស្តិ៍នគរបាលពោធិបាន បានចុះធ្វើការបង្ក្រាប។ ពេលទៅដល់ទីតាំង សមត្ថកិច្ចបានឃើញជនសង្ស័យឈ្មោះ មោក ហុក (ប្រុស, ៤៥ឆ្នាំ) កំពុងជិះម៉ូតូតែម្នាក់ឯងធ្វេសកម្មភាពលក់ថ្នាំញៀន។

    ភ្លាមៗនោះ សមត្ថកិច្ចបានស្ទាក់ឃាត់ខ្លួនជនសង្ស័យ ហើយត្រួតពិនិត្យរកឃើញម្សៅក្រាមពណ៌សថ្លាសង្ស័យជាគ្រឿងញៀនប្រភេទម៉ាទឹកកក ១កញ្ចប់មធ្យម ដែលមានទម្ងន់ ៧,៣៧ក្រាម លាក់ទុកក្នុងឃ្លុបម៉ូតូ។ ជាមួយគ្នានោះដែរ សមត្ថកិច្ចក៏បានដកហូតទូរស័ព្ទដៃ ១គ្រឿង និងឧបករណ៍កែច្នៃសម្រាប់ជក់ និងថង់វេចខ្ចប់ថ្នាំញៀនមួយចំនួនធំផងដែរ។ តាមការធ្វើតេស្ត ជនសង្ស័យមានលទ្ធផលវិជ្ជមាន(+)សារធាតុញៀន។

    នៅចំពោះមុខសមត្ថកិច្ច ជនសង្ស័យបានសារភាពថា ថ្នាំញៀននោះជារបស់ខ្លួន ហើយបានពឹងមិត្តភក្ដិឈ្មោះ នន់ (ប្រុស, ប្រហែល ៣៧ឆ្នាំ) ឲ្យទៅទិញមកក្នុងតម្លៃ ៦៥០.០០០រៀល ដើម្បីយកមករំលែកវេចខ្ចប់លក់ចែកចាយបន្ត។ ជនសង្ស័យក៏បានសារភាពទៀតថា ខ្លួនតែងតែផ្ញើលុយតាមរយៈឈ្មោះ នន់ ដើម្បីទិញគ្រឿងញៀនអស់រយៈពេលជាង ៥ខែមកហើយ។ ភ្លាមៗក្រោយទទួលបានចម្លើយនេះ កម្លាំងសមត្ថកិច្ចបានបន្តស្រាវជ្រាវស្វែងរកចាប់ខ្លួនឈ្មោះ នន់ តែជនសង្ស័យបានគេចខ្លួនបាត់ពីមូលដ្ឋាន។

    បច្ចុប្បន្ន ជនសង្ស័យឈ្មោះ មោក ហុក រួមទាំងវត្ថុតាងត្រូវបានឃាត់ខ្លួននៅអធិការដ្ឋាននគរបាលស្រុកកោះធំ ដើម្បីកសាងសំណុំរឿងចាត់ការតាមនីតិវិធី។

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.