Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » សង្វេគណាស់! ក្មេងស្រីអាយុ ៥ឆ្នាំ លង់ទឹកស្លាប់ ខណៈដើររកកណ្តុរជាមួយម្តាយ និងអ៊ុំ ដើម្បីយកមកធ្វើម្ហូបនៅស្រុកកៀនស្វាយ
    សន្តិសុខសង្គម

    សង្វេគណាស់! ក្មេងស្រីអាយុ ៥ឆ្នាំ លង់ទឹកស្លាប់ ខណៈដើររកកណ្តុរជាមួយម្តាយ និងអ៊ុំ ដើម្បីយកមកធ្វើម្ហូបនៅស្រុកកៀនស្វាយ

    October 13, 202539 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    គួរឲ្យសង្វេគជាពន់ពេក! ក្មេងស្រីម្នាក់បានលង់ទឹកស្លាប់ក្នុងប្រឡាយមួយកន្លែងដែលមានជម្រៅជ្រៅ ខណៈដែលរូបនាងបានទៅរកកណ្តុរជាមួយម្តាយ និងអ៊ុំប្រុស ដើម្បីយកមកធ្វើម្ហូប។ ហេតុការណ៍សោកសៅនេះបានកើតឡើងនៅវេលាម៉ោង ១៣:៤០នាទី រសៀលថ្ងៃទី១២ តុលា ២០២៥ នៅត្រង់ចំណុចប្រឡាយគោកអំពល ក្នុងភូមិព្រែកដូង២ ឃុំកំពង់ស្វាយ ស្រុកកៀនស្វាយ។

    យោងតាមរបាយការណ៍របស់សមត្ថកិច្ចបានឲ្យដឹងថា ជនរងគ្រោះមានឈ្មោះ បញ្ញា ថាវរី (ស្រី, ៥ឆ្នាំ) ជាសិស្សសាលា រស់នៅជាមួយឪពុកម្តាយក្នុងភូមិស្ដៅកន្លែង៥ ឃុំដីឥដ្ឋ ស្រុកកៀនស្វាយ។ ឪពុករបស់ក្មេងស្រីរងគ្រោះមានឈ្មោះ គ្រុយ បញ្ញា (ប្រុស, ២៦ឆ្នាំ) និងម្ដាយឈ្មោះ ចាន់ ចិន្តា (ស្រី, ២៤ឆ្នាំ)។

    ប្រភពសមត្ថកិច្ចបានបន្តថា មុនពេលកើតហេតុ ក្មេងស្រីរងគ្រោះបានដើរទៅរកកណ្តុរជាមួយនឹងម្តាយ និងអ៊ុំរបស់នាងឈ្មោះ ចាន់ សុជាតិ (ប្រុស, ៣២ឆ្នាំ) ដែលមានបំណងយកកណ្តុរមកធ្វើម្ហូប។ ពេលកំពុងដើររក ជនរងគ្រោះបានរអិលជើងធ្លាក់ចូលទៅក្នុងប្រឡាយគោកអំពលដែលមានជម្រៅប្រហែល ៣ម៉ែត្របាត់ខ្លួនតែម្តង។ ពេលនោះ ទាំងម្តាយ និងអ៊ុំរបស់កុមារី បានព្យាយាមមុជទឹករាវរក ប៉ុន្តែដោយសារទឹកជ្រៅពេក ពួកគេរកមិនឃើញឡើយ។ ក្រោយមក ម្តាយរបស់ជនរងគ្រោះក៏បានត្រឡប់មកផ្ទះវិញ ដើម្បីហៅបងប្អូនឲ្យទៅជួយមុជរាវរក។ រហូតដល់វេលាម៉ោង ១៥:០០នាទី ទើបក្រុមគ្រួសាររកឃើញក្មេងស្រីរងគ្រោះ តែរូបនាងបានដាច់ខ្យល់ស្លាប់បាត់បង់ជីវិតទៅហើយ។

    បច្ចុប្បន្ន សពរបស់ក្មេងស្រីឈ្មោះ បញ្ញា ថាវរី ត្រូវបានអាណាព្យាបាលយកទៅធ្វើបុណ្យតាមប្រពៃណីនៅភូមិស្ដៅកន្លែង៥ ឃុំដីឥដ្ឋ ស្រុកកៀនស្វាយ៕

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.