Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » ប្រធានភូមិបាលស្រុកពញាឮ កំពុងបង្កើតគម្រូមិនល្អដល់ពលរដ្ឋ ខណៈដែលលោកជាមន្ត្រីអនុវត្តច្បាប់ បែជាសង់សំណង់រឹងរំលោភយកដីទន្លេ បំពាន​​ច្បាប់ទៅវិញ
    សន្តិសុខសង្គម

    ប្រធានភូមិបាលស្រុកពញាឮ កំពុងបង្កើតគម្រូមិនល្អដល់ពលរដ្ឋ ខណៈដែលលោកជាមន្ត្រីអនុវត្តច្បាប់ បែជាសង់សំណង់រឹងរំលោភយកដីទន្លេ បំពាន​​ច្បាប់ទៅវិញ

    December 9, 20236,489 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    ភូមិគ្រឹះដ៏ធំស្កឹមស្កៃមួយ នៅភូមិពោធិ៍តូច ឃុំកំពង់លួង ស្រុកពញាឮ ខេត្តកណ្តាល ដែលគេស្គាល់ថា ជារបស់លោក ហ៊ាង គង់ផេង ​ប្រធានភូមិបាលស្រុកពញាឮ ​បានសាងសង់រំលោភចូលក្នុងផ្ទៃទន្លេ​ រាប់សិបម៉ែត្រ បានយ៉ាងរលូន ដោយគ្មានអ្នកណាហ៊ានហាមឃាត់នោះទេ ។

    ទង្វើនេះ វាកំពុង​បង្កើតនូវគម្រូអាក្រក់ខុសច្បាប់មួយដល់ប្រជាពលរដ្ឋ ព្រោះថា លោក ហ៊ាង គង់ផេង ជាមន្ត្រីអនុវត្តច្បាប់​ ប៉ុន្តែបែជាអង្គុយលើច្បាប់ ហ៊ានចាក់ដី ធ្វើរបង សង់ផ្ទះលំហែ រំលោភចូលក្នុងផ្ទៃទន្លេយ៉ាងអណាធិបតេយ្យ បំពាននឹងអនុក្រឹត្យរបស់រាជរដ្ឋាភិបាលទៅវិញ ។

    ទាក់ទិននឹងករណីនេះ អង្គភាពសារព័ត៌មាន The Real មិនអាចទំនាក់ទំនងសុំការបំភ្លឺពី​លោក ហ៊ាង គង់ផេង ប្រធានភូមិបាលស្រុកពញាឮ បានទេ ដោយសារទូរស័ព្ទចូល តែលោកមិនលើកទទួល រីឯលោក ថន សុវណ្ណា អភិបាលស្រុកពញាឮ ក៏ដូចគ្នា ។ អង្គភាពយើង ក៏បានព្យាយាមទាក់ទងសុំការបំភ្លឺតាមប្រព័ន្ធតេឡេក្រាម ប៉ុន្តែទាំងលោកប្រធានភូមិបាល និងលោកអភិបាលស្រុកពញាឮ ​ចូលមើលហើយមិនឆ្លើយតបនោះទេ ។

    យោងតាមអនុក្រឹត្យ ស្តីពី​ ការគ្រប់គ្រងអាងទន្លេ ចុះថ្ងៃទី២៤ ខែកក្កដា ឆ្នាំ២០១៥ គឺមិនអនុញ្ញាតឲ្យមានការសង់សង់សំណង់រឹងរំលោភចូលដីទន្លេឡើយ ហើយការសាង់សង់សំណង់ គឺត្រូវមានចម្ងាយយ៉ាងតិច ៥០ម៉ែត្រ ពីមាត់ច្រាំងទន្លេ ប៉ុន្តែភូមិគ្រឹះដ៏ស្កឹមស្កៃរបស់ប្រធានភូមិបាលស្រុកពញាឮរូបនេះ បានសាងសង់រំលោភចូលក្នុងផ្ទៃទន្លេរាប់សិបម៉ែត្រតែម្តង តើលោកទទួលបានច្បាប់អនុញ្ញាតិពីអ្នកណា ?

    ប្រជាពលរដ្ឋបានសំណូមពរយ៉ាងទទូចដល់ឯកឧត្តម គង់ សោភ័ណ្ឌ អភិបាលខេត្តកណ្តាល ពិសេស ឯកឧត្តម សាយ សំអាល់ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ មេត្តាពិនិត្យមើល និងចាត់វិធានការទៅលើមន្ត្រីរបស់ខ្លួនផង​ បើពុំនោះទេ ច្បាស់ណាស់វានឹងក្លាយជាគម្រូអាក្រក់ និងខុសច្បាប់មួយ ដល់ប្រជាពលរដ្ឋឲ្យសាងសង់សំណង់រំលោភចូលដីទន្លេជាបន្តបន្ទាប់ជាក់ជាមិនខាន ៕

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.