Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » មកស្តាប់ចម្លើសារភាពរបស់ជនបរទេស ២នាក់ ដែលត្រូវប៉ូលិសឃាត់ខ្លួន ក្រោយប្លន់រថយន្តនៅស្រុកកណ្តាលស្ទឹង ហើយជិះគេចខ្លួនដល់ស្រុកកៀនស្វាយ
    សន្តិសុខសង្គម

    មកស្តាប់ចម្លើសារភាពរបស់ជនបរទេស ២នាក់ ដែលត្រូវប៉ូលិសឃាត់ខ្លួន ក្រោយប្លន់រថយន្តនៅស្រុកកណ្តាលស្ទឹង ហើយជិះគេចខ្លួនដល់ស្រុកកៀនស្វាយ

    May 28, 202415 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    កាលពីវេលាម៉ោងជាង ៦ព្រលប់ ថ្ងៃទី២៧ ខែឧសភា ឆ្នាំ២០២៤ ម្សិលមិញ មានករណីបុរសអ្នកបើករថយន្តតាក់ស៊ីម្នាក់ត្រូវជនបរទេសចំនួន ៤នាក់ (ជនជាតិចិនម្នាក់ និងជនជាតិវៀតណាម ៣នាក់) បានធ្វើសកម្មភាពប្លន់រថយន្តមួយគ្រឿងម៉ាក Toyota Alphat ពណ៌ស ពាក់ស្លាកលេខភ្នំពេញ 2BX-6820 នៅចំណុចភូមិត្រពាំងវែង ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល ។

    ដោយមានការយកចិត្តទុកដាក់ ពីសមត្ថកិច្ចគ្រប់ជាន់ថ្នាក់ សហការគ្នាដេញចាប់រហូតឃាត់ខ្លួនជនសង្ស័យបានចំនួន ០២នាក់ រួមទាំងរថយន្តរបស់ជនរងគ្រោះនៅចំណុចឃុំគរគីធំ ស្រុកកៀនស្វាយ ខេត្តកណ្តាល ។

    ជនសង្ស័យទាំង ២នាក់ខាងលលើ ទី១-ឈ្មោះ Nguyễn Thont Đồng ភេទប្រុស អាយុ ២៣ ឆ្នាំ ជនជាតិ វៀតណាម និងទី២-ឈ្មោះ Li Jun Wei ភេទ ប្រុស អាយុ ៣៩ ឆ្នាំ ជនជាតិ ចិន ។ ចំណែកជនរងគ្រោះឈ្មោះ យុង សុផាត ភេទប្រុស អាយុ ៤៤ ឆ្នាំ បច្ចុប្បន្នរស់នៅភូមិរកា សង្កាត់រកាខ្ពស់ ក្រុងតាខ្មៅ ខេត្តកណ្ដាល មុខរបរ រត់ឡានស្នួល ។

    បើតាមសមត្ថកិច្ចបានឲ្យដឹងថា កាលពីថ្ងៃទី២៧ ខែឧសភា ឆ្នាំ ២០២៤ វេលាម៉ោងប្រមាណ ៨ព្រឹក ជនរងគ្រោះបានបើករថយន្តខាងលើចេញពីផ្ទះរបស់ខ្លួនដើម្បីយករថយន្តទៅធ្វើនៅភ្នំពេញ និងទៅរកដឹកភ្ញៀវនៅមុខព្រលានយន្តហោះពោធិ៍ចិនតុង ។ រហូតម៉ោងប្រមាន ១០ព្រឹក ថ្ងៃខែឆ្នាំដដែល ក្រុមអ្នករថតាត់ស៊ីដូចគ្នាបាននាំគ្នាលេងក្នុងគ្រុបឆាតថា មានជនជាតិចិនរកជួលរថយន្ត ពេលនោះជនរងគ្រោះបានឆាតទៅជនជាតិចិនខាងលើ រួចជនជាតិចិនខាងលើបានដាក់ទីតាំងឲ្យជនរងគ្រោះទៅជួបម្តុំស្ពានអាកាសផ្សារដីហុយ ពេលទៅដល់ជនរងគ្រោះបានជួបនឹងជនជាតិចិនខាងលើ ហើយជនរងគ្រោះបានសួរទៅជនជាតិចិនតាមរយៈទូរស័ព្ទបកប្រែភាសាថា ចង់ទៅណា ជនជាតិចិនបានតបវិញថា ទៅច្រកព្រុំដែនព្រែកចាក(ទៅវិញទៅមក) រួចជនរងគ្រោះបានទាថ្លៃដឹកទៅវិញទៅមកក្នុងតម្លៃ ១៩០ដុល្លារ ប៉ុន្តែជនជាតិចិនខាងលើបានតថ្លៃ ១៤០ដុល្លារ ជនរងគ្រោះក៏យល់ព្រម ហើយដឹកជនជាតិចិននោះទៅច្រកព្រុំដែនព្រែកចាក ពេលទៅដល់ជនជាតិចិនខាងលើបានជួបនឹងនារីជនជាតិចិនដូចគ្នា ដោយឡែកជនរងគ្រោះអង្គុយចាំនៅរថយន្ត ពេលហូបបាយរួចជនជាតិចិនខាងលើបាននាំគ្នាដើរចូលកន្លែងអនឡាញនៅទីនោះបាត់ប្រហែលមួយម៉ោងទើបជនជាតិចិនខាងលើដើរចេញមកវិញ និងនាំជនជាតិវៀតណាមបីនាក់ទៀតមកជាមួយ តែពុំឃើញជនជាតិចិនស្រីនោះចេញមកទេ ។ ពេលនោះជនរងគ្រោះបានបើករថយន្តដឹកជនជាតិចិន និងជនជាតិវៀតណាម ០៣ នាក់ទៀត ត្រឡប់មកភ្នំពេញវិញដោយបើករថយន្តតាមបណ្ដោយផ្លូវជាតិលេខ៣ លុះដល់ចំនុចកើតហេតុ ជនជាតិវៀតណាមទាំងនាក់ខាងលើបានព្រួតគ្នាវាយជនជាតិចិនតែម្តង ឃើញដូចនោះ ជនរងគ្រោះភ័យបានអែបរថយន្តចូលគៀន រួចរត់ចុះពីលើរថយន្តតែពុំពន្លត់ម៉ាស៊ីនទេ បន្តិចក្រោយមកជនរងគ្រោះក៏បានដើចូលទៅពន្លត់ម៉ាស៊ីនរថយន្ត ស្រាប់តែជនជាតិវៀតណាមចាប់ដៃ និងដណ្ដើមសោរថយន្តពីចង្កេះខោរបស់ជនរងគ្រោះ រួចបើករថយន្តរបស់ជនរងគ្រោះរត់គេចខ្លួន រហូតដល់ចំណុចឃុំ គរគីធំ ស្រុកកៀនស្វាយ ទើបកម្លាំងសមត្ថកិច្ចស្រុកកៀនកៀនស្វាយបានឃាត់ខ្លួនជនសង្ស័យបានចំនួនពីរនាក់ ចំណែកជនជាតិវៀតណាមពីរនាក់ទៀត បានចុះពីលើរថយន្តរួចគេចខ្លួនបាត់ ។ ដោយឡែកជនសង្ស័យទាំងពីរត្រូវបានកម្លាំងអធិការដ្ឋាននគរបាលស្រុកកៀនស្វាយប្រគល់ជូនកម្លាំងផ្នែកជំនាញស្រុកកណ្ដាលស្ទឹងដើម្បីធ្វើការសាកសួរ ។

    សមត្ថកិច្ចបានឲ្យដឹងទៀតថា ក្រោយធ្វើការសាកសួររួច ជនសង្ស័យជនជាតិចិនបានឆ្លើយសារភាពថា ខ្លួនគេត្រូវបានមិត្តភ័ក្តិម្នាក់ទៀតឈ្មោះ Zhu bao ឲ្យទៅទទួលភ្ញៀវជនជាតិវៀតណាម ៣នាក់ ខាងលើពីរច្រកព្រុំដែនព្រែកចាក ដើម្បីទៅធ្វើការនៅច្រកព្រំដែនជ្រៃធំ ។ ចំណែកជនសង្ស័យជាជនជាតិវៀតណាមខាងលើបានឆ្លើយសារភាពថា ខ្លួនត្រូវបានជនជាតិចិនខាងលើលោះខ្លួនចេញពីកន្លែងអនឡាញមួយកន្លែងនៅម្តុំច្រកព្រុំដែនព្រែកចាក ដើម្បីទៅធ្វើការនៅកន្លែងផ្សេង ពេលជិះរថយន្តដល់ចំណុចកើតហេតុបក្ខពួកខ្លួន ២នាក់ទៀត បានវាយជនជាតិចិនខាងលើ និងបានគំរាមឲ្យជូនខ្លួន និងបក្ខពួកត្រឡប់ទៅប្រទេសខ្លួនវិញ និងបានវាយដណ្ដើមសោររថយន្តពីជនរងគ្រោះដើម្បីបើកគេចខ្លួន ៕

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.