Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » គំរាមសម្លាប់បងថ្លៃស្រី និងបំផ្លាញទ្រព្យសម្បត្តិ! បុរសម្នាក់នៅតាខ្មៅ ត្រូវឃាត់ខ្លួនក្រោយផ្ទុះហិង្សាក្នុងគ្រួសារ ព្រមទាំងមានសារធាតុញៀនក្នុងខ្លួន
    សន្តិសុខសង្គម

    គំរាមសម្លាប់បងថ្លៃស្រី និងបំផ្លាញទ្រព្យសម្បត្តិ! បុរសម្នាក់នៅតាខ្មៅ ត្រូវឃាត់ខ្លួនក្រោយផ្ទុះហិង្សាក្នុងគ្រួសារ ព្រមទាំងមានសារធាតុញៀនក្នុងខ្លួន

    May 19, 202526 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    បុរសម្នាក់ត្រូវបានសមត្ថកិច្ចក្រុងតាខ្មៅឃាត់ខ្លួន ក្រោយពីបានគំរាមកំហែងចង់សម្លាប់បងថ្លៃស្រី និងបានធ្វើឱ្យខូចខាតទ្រព្យសម្បត្តិរបស់បងថ្លៃ។ ហេតុការណ៍ហិង្សាក្នុងគ្រួសារនេះ បានកើតឡើងកាលពីព្រឹកព្រលឹម ថ្ងៃទី១៦ ខែឧសភា ឆ្នាំ២០២៥ វេលាម៉ោង ០៥:០០នាទី នៅភូមិក្បាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល។ ជនសង្ស័យដែលត្រូវឃាត់ខ្លួនក៏ត្រូវបានរកឃើញថាមានសារធាតុញៀនក្នុងទឹកនោមផងដែរ។

    យោងតាមរបាយការណ៍របស់សមត្ថកិច្ច បានឱ្យដឹងថា ជនរងគ្រោះក្នុងករណីនេះគឺឈ្មោះ សឿន ចិន្តា ភេទប្រុស អាយុ ៣៧ឆ្នាំ មុខរបរកសិករ រស់នៅភូមិក្បាលកោះ សង្កាត់កោះអន្លង់ចិន ក្រុងតាខ្មៅ។ ចំណែកជនសង្ស័យឈ្មោះ ជួន សំណាង ភេទប្រុស អាយុ ៣៦ឆ្នាំ មុខរបរមិនពិតប្រាកដ រស់នៅភូមិជាមួយគ្នា ដែលត្រូវជាប្អូនថ្លៃរបស់ជនរងគ្រោះ។

    សភាពនៃរឿងហេតុបានចាប់ផ្តើមនៅវេលាម៉ោង ០៥:០០នាទីព្រឹក ថ្ងៃកើតហេតុ។ ភរិយារបស់ជនរងគ្រោះបានភ្ញាក់ពីដំណេកបំរ៉ុងងូតទឹករៀបចំខ្លួនទៅធ្វើការ តែពេលទៅដល់កន្លែងងូតទឹក ស្រាប់តែឃើញទុយោទឹកស្អាតដែលតចូលដាក់ពាងត្រូវបានគេអាលកាច់បំបាក់ចោល។ លើសពីនេះ ម៉ាស៊ីនបូមទឹក ១គ្រឿង ក៏ត្រូវបានគេយកទឹកកូកាកូឡាលាយជាមួយដីចាក់ចូលទៅក្នុងប្រេងបាតថែមទៀតផង។ ឃើញដូច្នេះ ភរិយារបស់ជនរងគ្រោះបានសង្ស័យទៅលើប្អូនថ្លៃខ្លួនគឺឈ្មោះ ជួន សំណាង ក៏ទៅសួរនាំ។ ការសួរនាំនេះបានធ្វើឱ្យជនសង្ស័យខឹងសម្បារយ៉ាងខ្លាំង ហើយបានទាញកាំបិតផ្គាក់ស្រែកគំរាមចង់សម្លាប់ភរិយារបស់ជនរងគ្រោះ។ ហេតុការណ៍នេះបានធ្វើឱ្យជនរងគ្រោះ (ស្វាមី) ខឹងយ៉ាងខ្លាំង ហើយបានមកដាក់ពាក្យបណ្តឹងនៅប៉ុស្តិ៍នគរបាលកោះអន្លង់ចិន ដើម្បីឱ្យសមត្ថកិច្ចចុះទៅឃាត់ខ្លួនជនសង្ស័យយកមកសួរនាំ និងចាត់ការតាមនីតិវិធី។

    វត្ថុតាងដែលសមត្ថកិច្ចបានចាប់យកក្នុងប្រតិបត្តិការនេះរួមមាន៖ កំណាត់ឈើជ្រុង ១ដើម, ទុយោជ័រប្រវែង ៥ម៉ែត្រ, កណ្តៀវដងឈើ ១ដើម, រណាដងឈើ ១ដើម, កាំបិតផ្គាក់អត់ដង ១ដើម និងញញួរដំការូ ១ដើម។ សម្ភារៈដែលរងការខូចខាតរួមមាន ទុយោទឹកស្អាត និងម៉ាស៊ីនបូមទឹក ១គ្រឿង។ ក្រោយការឃាត់ខ្លួន ជនសង្ស័យឈ្មោះ ជួន សំណាង ត្រូវបានធ្វើតេស្តរកសារធាតុញៀនក្នុងទឹកនោមឃើញលទ្ធផលវិជ្ជមាន (+)។

    នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ខ្លួនពិតជាបានយករណាអាទុយោទឹកស្អាត និងយកកាំបិតផ្គាក់គំរាមកំហែងចង់សម្លាប់ភរិយារបស់ជនរងគ្រោះប្រាកដមែន។

    បច្ចុប្បន្ន ជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងតាខ្មៅ ដើម្បីកសាងសំណុំរឿងចាត់ការតាមនីតិវិធីច្បាប់។

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.