Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » ឃាត់ខ្លួនជនសង្ស័យជួញដូរគ្រឿងញៀនម្នាក់ ជាមួយថ្នាំ ៨កញ្ចប់ នៅមុខកំពូល
    សន្តិសុខសង្គម

    ឃាត់ខ្លួនជនសង្ស័យជួញដូរគ្រឿងញៀនម្នាក់ ជាមួយថ្នាំ ៨កញ្ចប់ នៅមុខកំពូល

    May 22, 202522 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    កណ្តាល ៖ ជនសង្ស័យជួញដូរ និងរក្សាទុកដោយខុសច្បាប់នូវសារធាតុញៀនម្នាក់ ត្រូវបានកម្លាំងសមត្ថកិច្ចឃាត់ខ្លួន រួមជាមួយវត្ថុតាងជាគ្រឿងញៀនចំនួន ៨កញ្ចប់ ទម្ងន់សរុបជាង ១ក្រាម។ ហេតុការណ៍នេះបានកើតឡើងកាលពីវេលាម៉ោង ១០:០០នាទី ថ្ងៃទី២១ ខែឧសភា ឆ្នាំ២០២៥ នៅចំណុចស្ពានអណ្ដូង ភូមិបឹងជន្លេន ឃុំឬស្សីជ្រោយ ស្រុកមុខកំពូល ខេត្តកណ្តាល។

    ជនសង្ស័យដែលត្រូវបានឃាត់ខ្លួនមានឈ្មោះ ហុន គីមហ័ង ភេទប្រុស អាយុ ៣១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិឈើទាល ឃុំព្រែកអញ្ចាញ ស្រុកមុខកំពូល ខេត្តកណ្ដាល។ លទ្ធផលតេស្ដទឹកនោមរកសារធាតុញៀនក្នុងខ្លួនជនសង្ស័យបានបង្ហាញលទ្ធផលវិជ្ជមាន (+).

    វត្ថុតាងដែលចាប់យករួមមាន៖

    • ម្សៅក្រាមពណ៌សថ្លា សង្ស័យជាសារធាតុញៀនចំនួន ៨កញ្ចប់ (ក្នុងនោះតូច ៧កញ្ចប់ និងមធ្យម ១កញ្ចប់) មានទម្ងន់សរុប ១.៥៦ក្រាម។
    • សម្ភារៈសម្រាប់វិចខ្ចប់ថ្នាំញៀនមួយចំនួន។
    • ម៉ូតូ ១គ្រឿង ម៉ាក Icon ពណ៌ស្លាទុំ ពាក់ស្លាកលេខបាត់ដំបង 1K-9862។

    តាមរបាយការណ៍របស់សមត្ថកិច្ចបានឲ្យដឹងថា នៅវេលាម៉ោងកើតហេតុខាងលើ នៅពេលដែលកម្លាំងប៉ុស្តិ៍រដ្ឋបាលឬស្សីជ្រោយ សហការជាមួយកម្លាំងជំនាញផ្នែកប្រឆាំងគ្រឿងញៀន និងកម្លាំងប្រជាការពារ បានចុះល្បាតក្នុងភូមិសាស្ត្រងាយរងគ្រោះឃុំឬស្សីជ្រោយ។ មកដល់ចំណុចភូមិបឹងជន្លេន ពួកគេបានប្រទះឃើញមុខសញ្ញាជួញដូរគ្រឿងញៀនជិះម៉ូតូចេញពីព្រៃក្រោយភូមិ។ ដោយមានការសង្ស័យ សមត្ថកិច្ចក៏បានឃាត់សួរនាំ រួចឆែកឃើញម្សៅក្រាមពណ៌សថ្លា សង្ស័យជាសារធាតុញៀនចំនួន ៨កញ្ចប់។ បន្ទាប់មក ជនសង្ស័យត្រូវបាននាំមកប៉ុស្តិ៍ដើម្បីធ្វើការសាកសួរបន្ថែម។

    នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានទិញថ្នាំញៀនពីឈ្មោះ ដន នៅជិតស្ពានលេខ ១១ ភូមិចំបក់មាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ១កញ្ចប់មធ្យម តម្លៃ ១០ម៉ឺនរៀល (ប្រហែល ២៥ដុល្លារ) យកមកចែកចាយបន្ត និងប្រើប្រាស់ពិតប្រាកដមែន។

    បច្ចុប្បន្ន ជនសង្ស័យ និងវត្ថុតាងកំពុងត្រូវបានចាត់ការតាមនីតិវិធីច្បាប់នៅអធិការដ្ឋាននគរបាលស្រុកមុខកំពូល។

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.