Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » សោកសៅបំផុត! យុវជនម្នាក់ បាត់បង់ជីវិតយ៉ាងសង្វេគ ក្រោយដួលម៉ូតូធ្លាក់ប្រឡាយដោយខ្លួនឯងទាំងព្រលឹម
    សន្តិសុខសង្គម

    សោកសៅបំផុត! យុវជនម្នាក់ បាត់បង់ជីវិតយ៉ាងសង្វេគ ក្រោយដួលម៉ូតូធ្លាក់ប្រឡាយដោយខ្លួនឯងទាំងព្រលឹម

    June 6, 2025550 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    ខេត្តកណ្ដាល៖ ហេតុការណ៍គ្រោះថ្នាក់ចរាចរណ៍ដ៏សង្វេគមួយ បានឆក់យកអាយុជីវិតយុវជនម្នាក់ភ្លាមៗ ទាំងព្រឹកព្រលឹម ថ្ងៃទី៦ ខែមិថុនា ឆ្នាំ២០២៥ នៅស្រុកកណ្ដាលស្ទឹង ខេត្តកណ្ដាល។ ករណីនេះបង្កឡើងដោយការដួលម៉ូតូខ្លួនឯង បណ្ដាលឲ្យយុវជនរងគ្រោះធ្លាក់ចូលប្រឡាយទឹក។

    យោងតាមរបាយការណ៍របស់សមត្ថកិច្ចបានឲ្យដឹងថា ហេតុការណ៍ដ៏គួរឲ្យសោកស្ដាយនេះបានកើតឡើងនៅវេលាម៉ោង ៥:១០នាទីព្រឹក នៅចំណុចផ្លូវបេតុង ភូមិក្រាំងឈើនាង ឃុំត្បែង។ ជនរងគ្រោះដែលបាត់បង់ជីវិតមានឈ្មោះ ឃូច សុវណ្ណរាជ ភេទប្រុស អាយុ ១៩ឆ្នាំ មានទីលំនៅបច្ចុប្បន្នភូមិអង្គខ្លើ ឃុំត្បែង ស្រុកកណ្ដាលស្ទឹង ខេត្តកណ្ដាល។

    នៅវេលាកើតហេតុ យុវជន ឃូច សុវណ្ណរាជ បានបើកបរម៉ូតូ១គ្រឿង ម៉ាក HONDA DREAM C125 ពណ៌ខ្មៅ ពាក់ផ្លាកលេខភ្នំពេញ1HT-8450 ក្នុងទិសដៅពីជើងទៅត្បូង។ ពេលមកដល់ចំណុចកើតហេតុ គាត់បានបើកបរក្នុងល្បឿនលឿន និងរ៉េចង្កូតធ្លាក់ចូលទឹកប្រឡាយ បណ្ដាលឲ្យបាត់បង់ជីវិតនៅនឹងកន្លែងកើតហេតុតែម្ដង។

    កម្លាំងផ្នែកសណ្ដាប់ធ្នាប់បានចុះពិនិត្យកន្លែងកើតហេតុ រួមទាំងពិនិត្យកាមេរ៉ាសុវត្ថិភាពផងដែរ ប៉ុន្តែកាមេរ៉ាត្រូវបានរកឃើញថាខូចខាត ហើយម្ចាស់ផ្ទះកំពុងទាក់ទងជាងមកជួសជុល។ កម្លាំងផ្នែកវិភាគហេតុ និងប៉ុស្តិ៍នគរបាលរដ្ឋបាលត្បែង បានចុះសហការដល់កន្លែងកើតហេតុ និងសន្និដ្ឋានថា គ្រោះថ្នាក់ចរាចរណ៍នេះបណ្ដាលមកពីជនរងគ្រោះបើកបរម៉ូតូក្នុងល្បឿនលឿន ខ្វះការប្រុងប្រយ័ត្ន បង្កឡើងដោយខ្លួនឯង។

    បច្ចុប្បន្ន សពយុវជន ឃូច សុវណ្ណរាជ ត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណីដ៏សោកសៅ។ ចំណែកវត្ថុតាងម៉ូតូ ក៏ត្រូវបានកម្លាំងជំនាញប្រគល់ជូនសាច់ញាតិវិញផងដែរ។

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.