Close Menu
The Real NewsThe Real News
    Facebook YouTube Telegram
    The Real NewsThe Real News
    • ទំព័រដើម
    • ព័ត៌មានជាតិ
    • សន្តិសុខសង្គម
    • អន្តរជាតិ
    • កីឡា
    • សុខភាព
    • វីដេអូ
    The Real NewsThe Real News
    Home » អាជ្ញាធរនិងមន្ទីរបរិស្ថានខេត្តកណ្ដាល ចុះពិនិត្យទីតាំងស្តុក និងកែច្នៃឆ្អឹងគោ បន្ទាប់ពីប្រជាពលរដ្ឋត្អូញត្អែរពីក្លិនស្អុយប៉ះពាល់សុខភាព
    សន្តិសុខសង្គម

    អាជ្ញាធរនិងមន្ទីរបរិស្ថានខេត្តកណ្ដាល ចុះពិនិត្យទីតាំងស្តុក និងកែច្នៃឆ្អឹងគោ បន្ទាប់ពីប្រជាពលរដ្ឋត្អូញត្អែរពីក្លិនស្អុយប៉ះពាល់សុខភាព

    June 18, 202513 ViewsNo Comments1 Min Read
    Facebook Telegram Pinterest LinkedIn Email
    Share
    Telegram Facebook WhatsApp Pinterest Twitter Email Copy Link

    ខេត្តកណ្ដាល៖ ក្រុមការងារមន្ទីរបរិស្ថានខេត្តកណ្ដាល សហការជាមួយអាជ្ញាធរក្រុងតាខ្មៅ សង្កាត់ និងភូមិព្រែកសំរោង៣ បានចុះពិនិត្យទីតាំងស្តុក និងកែច្នៃឆ្អឹងគោរបស់លោក អ៊ឹម ដារ៉ា បន្ទាប់ពីទទួលបានការត្អូញត្អែរពីប្រជាពលរដ្ឋអំពីក្លិនស្អុយប៉ះពាល់សុខភាពអស់ជាង ២ឆ្នាំ។ ការចុះពិនិត្យនេះធ្វើឡើងកាលពីថ្ងៃទី១៧ ខែមិថុនា ឆ្នាំ២០២៥ វេលាម៉ោង ៩:៣០នាទីព្រឹក។

    ក្រុមការងារដឹកនាំដោយលោក ឡុង ចាន់វាសនា អនុប្រធានការិយាល័យមន្ទីរបរិស្ថានខេត្តកណ្ដាល បានចុះស្រង់មតិប្រជាពលរដ្ឋចំនួន ៦គ្រួសារ។ ប្រជាពលរដ្ឋបានលើកឡើងថា មានក្លិនស្អុយម្តងម្កាលតាមទិសខ្យល់ ដែលធ្វើឲ្យពិបាកក្នុងការរស់នៅ ហើយស្នើសុំឲ្យម្ចាស់ទីតាំងស្តុកឆ្អឹងគោ រកវិធីសាស្ត្រទប់ស្កាត់ក្លិននេះ កុំឲ្យស្អុយបន្តទៀត។

    តាមរយៈកំណត់ហេតុរបស់អាជ្ញាធរក្រុងតាខ្មៅ និងអាជ្ញាធរសង្កាត់តាខ្មៅ បានណែនាំដល់ម្ចាស់ទីតាំងឲ្យ៖

    • រៀបចំកន្លែងហាលឆ្អឹងឲ្យបានត្រឹមត្រូវ (ពង្រាបឆ្អឹងឲ្យរាប និងបាញ់ជី E.M ដើម្បីកាត់បន្ថយក្លិន)។
    • រៀបចំបាំងសំណាញ់ខៀវ ដើម្បីកាត់បន្ថយក្លិន។
    • រៀបចំកន្លែងស្តុកឆ្អឹងស្ងួត និងកន្លែងកែច្នៃឆ្អឹងឲ្យបានត្រឹមត្រូវ។

    មតិរបស់ក្រុមការងារ (វិធានការបន្ទាន់) បានតម្រូវឲ្យម្ចាស់អាជីវកម្មត្រូវ៖

    • រកវិធីសាស្ត្រកាត់បន្ថយក្លិនស្អុយ កុំឲ្យប៉ះពាល់ដល់ប្រជាពលរដ្ឋ។
    • រៀបចំកន្លែងស្តុក និងកែច្នៃឆ្អឹងឲ្យបានត្រឹមត្រូវតាមលក្ខណៈបច្ចេកទេស។
    • គោរព និងអនុវត្តច្បាប់នានា លិខិតបទដ្ឋានគតិយុត្តិឲ្យមានប្រសិទ្ធិភាព។
    • សហការជាមួយមន្ត្រីជំនាញ និងអាជ្ញាធរមូលដ្ឋាន។

    ម្ចាស់អាជីវកម្មលោក អ៊ឹម ដារ៉ា បានឯកភាពតាមមតិរបស់អាជ្ញាធរ និងក្រុមការងារជំនាញទាំងអស់។

    • Facebook 25.6K
    • Telegram 1.1K
    • YouTube 2.2K
    • TikTok 33.7K
    • WhatsApp
    • Twitter
    • Pinterest
    • Instagram

    ដឹរៀលញូស៍ ពិត លឿន ទុកចិត្តបាន នៅពេលណា ទីណាក៏បាន
    អាសយដ្ឋាន៖ សង្កាត់ព្រែកឫស្សី ក្រុងតាខ្មៅ ខេត្តកណ្តាល
    Puch Vannak Publisher 085 566 614
    Run Pisithsothearith Editor-in-Chief 090944445

    © 2026 រក្សាសិទ្ធគ្រប់យ៉ាងដោយ The Real News.

    Type above and press Enter to search. Press Esc to cancel.